Sentyabrda UEFA prezidenti Mişel Platinin, eləcə də AFFA prezidenti Rövnəq Abdullayevin Sumqayıt İdman Mərkəzinin süni örtüklü meydançasının açılışında iştirak etdiyini hamı gözəl xatırlayır.

 Həmin görüşdə hətta, Mehdi Hüseynzadə adına əsas stadionun yeni maketi də ictimaiyyətə təqdim olunmuş, deyilmişdi ki, ilin sonuna kimi ikinci ehtiyat meydança da təhvil veriləcək və 2014-cü ildən etibarən əsas stadionun yenidənqurulmasına start veriləcək.

Lakin Rekord.az xəbər verir ki, nəinki əsas stadion, heç ikinci ehtiyat meydançadan da əsər-əlamət yoxdur. Əldə etdiyimiz məlumata görə, tikintini maliyyələşdirən SOCAR hazırda maliyyəni kəsib. Məhz bu səbəbdən də ikinci ehtiyat meydançada artıq bir müddətdir ki, iş dayanıb. Əraziyə baş çəkərkən də işin getmədiyini öz gözümüzlə gördük. Ərazidəki iki traktor da nə zaman işlərin davam edəcəyini gözləməkdədir.