Tərtib olunmuş qrafikə uyğun olaraq ötən il üçün nəzərdə tutulan bütün işlər yüksək səviyyədə icra olunub. Transformator və kompleks transformator məntəqələri (TM və KTM), ötürücü və paylayıcı xətləri üzrə planlaşdırılmış işlər əsasən yekunlaşmışdır.

ASC-dən XeberLent.az informasiya agentliyinə verilən məlumata görə, təmir qrafikinə uyğun olaraq ötən ilin son üç ayı ərzində 60-a yaxın 10, 6 və 0,4 kV-lik kabel elektrik verilişi xətlərində təmir işləri zamanı 80-dən çox birləşdirici mufta istifadə edilmişdir. Eyni zamanda 3,4 km-ə yaxın 10 kV-lik kabel  xətti çəkilmiş, 60-dan artıq dayaq quraşdırılmışdır. Bütün bunlarla yanaşı 0,4 kV-lik şəbəkələrin yenidənqurulması, sayğacların xüsusi qutularda baxış üçün maneəsiz yerlərə köçürülməsi və digər işlərlə bağlı 33,7 km-ə yaxın SİP kabel xəti çəkilmiş, 1270-dən artıq sayğac quraşdırılmışdır.

Qeyd edək ki, yenidənqurma və təmir işləri müəssisənin balans mənsubiyyətinə aid olan TM və KTM-lərdən də yan keçməmişdir. Belə ki, sözügedən dövrdə 60-a yaxın TM və KTM-lərdə müxtəlif təyinatlı təmir işləri həyata keçirilmiş və 15 TM binası təmir edilmişdir. Eyni zamanda ümumi gücü 2,5 MVA-dan artıq olan altı transformator da təmir edilərək istehlakçıların istifadəsinə verilmişdir.

Mənbədən əldə edilən digər bir məlumata görə, ötən ilin dekabr ayında müəssisənin xidməti ərazisində keçirilmiş reydlər zamanı 300-dən artıq istehlakçının sayğac uçot komplektində qüsur aşkar edilmişdir ki, bundan da 276-sı məişət abonenti (əhali) istehlakçılar qrupuna aiddir. Aşkar edilmiş qayda pozuntuları müvafiq qaydada aktlaşdırılmış və 657,9 min kilovatsaatdan artıq itirilmiş elektrik enerjisinin 39,5 min manata yaxın istehlak dəyəri bərpa edilmişdir. O cümlədən, məişət abonenti (əhali) istehlakçılar qrupunda isə bu göstəricilər müvafiq olaraq 513,1 min kilovatsaatdan artıq və 30,8 min manata yaxın olmuşdur. Mənbəyə istinadən onu da qeyd edək ki, 2013-cü il ərzində isə burada 3010-dan artıq qayda pozuntusu aşkar olunmuşdur ki, bundan 2770-i məişət abonenti (əhali) istehlakçılar qrupuna aiddir. Nəticədə 9 milyon 630,9 min kilovatsaata yaxın (bunun 6 milyon 19,3 min kilovatsaatdan çoxu məişət abonenti (əhali) istehlakçılar qrupuna aiddir) itirilmiş elektrik enerjisinin 541,2 min manatdan artıq istehlak dəyəri bərpa edilmişdir. Həyata keçirilən müvafiq tədbirlər nəticəsində həmin bu məbləğin 71 faizdən artıq hissəsinin ödənişi təmin edilmiş və qalan hissənin ödənilməsi istiqamətində isə müvafiq tədbirlər həyata keçirilir.

Verilən məlumata görə, ötən il ərzində müəssisə üzrə ümumilkdə 915,1 milyon kilovatsaata yaxın (bunun 196 milyon kilovatsaatdan çoxu daimi əhali qrupu tərəfindən istehlak edilib), o cümlədən ötən ilin dekabr ayında isə 87,4 milyon kilovatsaata ayxın (bunun 27,5 milyon kilovatsaata yaxını daimi əhali qrupu tərəfindən istehlak edilib) elektrik enerjisi istehlak edilmişdir. Nəticədə 2012-ci ilin müvafiq dövri ilə müqayisədə ötən il ərzində ümumi istehlak 20,5 milyon kilovatsaatdan çox, (daimi əhali qrupunda isə 3,1 milyon kilovatsaata yaxın), o cümlədən dekabr ayında isə ümumi istehlak 7,5 milyon kilovatsaata yaxın (daimi əhali qrupunda isə 9,9 milyon kilovatsaatdan çox) artmışdır. 2012-ci ilin müvafiq dövri ilə müqayisədə ötən ilin 12 ayı ərzində ümumi ödənişdə mütləq artım 16 faiz (daimi əhali qrupunda isə 2 faizə yaxın), o cümlədən dekabr ayında isə ümumi ödənişdə mütləq artım 7 fazə yaxın (daimi əhali qrupunda isə 16 faizə yaxın) olmuşdur.