Bu barədə Xeberle.com-a açıqlamasında Sara Rəcəblinin özü deyib. O bildirib ki, 2019-cu il Avropa İttifaqı üçün önəmli ildir. Bu ilin fevralında Avropa İttifaqının Qonşuluq siyasətinə daxil olan Şərq Tərəfdaşlıq təşəbbüsünün yaranmasının 10-cu ili qeyd olunur: "Bu münasibətlə Avropa Komissiyasının maliyyələşdirdiyi "EU Neighbours East" layihəsi Gənc Avropa Səfirlər şəbəkəsinə daxil olan gəncləri, bloqqerləri və rəsmi qonaqları Brüsseldə bu hadisəyə həsr olunan konfransa dəvət edib. Fevralın 15-də baş tutan konfrans çərçivəsində #10yearschallenge adlı hekayələr müsabiqəsi keçirilib. Mənim hekayəm Azərbaycanlı bloqer Günay Rəsulova tərəfindən təqdim olunub və səsvermə nəticəsində birinci yerə layiq görülüb".