Sumqayıtda fəaliyyət göstərən "Gold Qayalı” Supermarketlər şəbəkəsi müştərilərin etdikləri alış-verişə görə topladıqları bonusların müqabilində hədiyyələrin verilməsini dayandırıb.

Bu barədə məlumat verən müştərilər bundan narazı qaldıqlarını və bununla bağlı supermarket rəhbərliyinə etirazlarını bildirdiklərini deyiblər.

Məsələ ilə bağlı "Gold Qayalı” Supermarketin administrasiyası ilə əlaqə saxladıq və bizə bildirdilər ki, mayın 1-nə qədər koronavirusla mübarizə çərçivəsində alış-veriş zamanı əldə olunan bonuslara görə hədiyyələrin verilməsi dayandırılıb. Market rəhbərliyi həmçinin onu da bildirdi ki, müştərilərin bonusları sıfrlanmır, olduğu kimi qalır. Sadəcə karantin rejimi bitdikdən sonra yenidən müştərilər topladıqları bonuslara görə hədiyyələrini əldə edə biləcəklər.

Qeyd edək ki, "Gold Qayalı” Supermarketlər şəbəkəsi həftənin 1-ci və 5-ci günləri saat 15:00-19:00 aralığı müştərilərinə etdikləri alış-verişə görə topladıqları bonuslar müqabilində hədiyyələri təqdim edirdi.(nocomment.az)