Sumqayıtda tibbi maska taxmayan şəxslərin cərimə olunmasına başlanıb.
Sumqayıt şəhər Polis İdarəsinin İctimai Təhlükəsizlik şöbəsinin rəisi, polis polkovnik-leytenantı Nizami Paşayevin Xeberle com-a verdiyi məlumata görə, sərnişinlərin dayanacaqlarda, kassa aparatları önündə, avtobuslarda, ticarət mərkəzlərində, qapalı məkanlarda maska taxması yoxlanıb.
Polis ötən sutka ərzində karantin qaydalarını pozaraq maska taxmayan 62 nəfər şəhər sakinini cərimə edib, onlara yerindəcə protokollar yazılıb.
Qeyd edək ki, İnzibatı Xətalar Məcəlləsinə edilən son dəyşikliklə ictimai yerlərdə maska taxmaq məcburidir. Bu qaydanı pozanlar 50 manatdan, 400 manata qədər cərimə edilə bilərlər.
Xəbərdən istifadə edərkən istinad etmək vacibdir.
