Sumqayıtda 250 ailə telefon və internet xəttindən məhrum qalıb.
Xeberle.com xəbər verir ki, Sumqayıt şəhərinin 76-cı məhəlləsində 250 ailənin
yaşadığı evlərə telefon və internet xətti çəkilmir. Sakinlər deyirlər
ki, səbəb məsul şəxslərin xətti çəkmək üçün materiallarının olmamasıdır.
Şikayətçi:
"Uşaqlarımız məktəbə gedir. Ən ucqar yerlərdə telefon qovşağı var amma
bizim uşaqlarımız bu səbəbdən oxuya bilmir. Onsuz da savadsız olacaqlar,
heç olmasa wifi olsun, yalandan da olsa dərs öyrənsinlər”.
Məhəllə
sakinlərinin sosialı problemləri bitməklə tükənmir. Ərazidə nə yol var,
nə də tullantıların atılacağı zibil qutuları. Amma yeni dərs ilinin
başlanması ilə bağlı Sumqayıt şəhər 76-cı məhəllənin sakinlər təcili
əraziyə telefon və internet xətlərinin çəkilməsini arzulayırlar.
Sumqayıt
Şəhər Telekomunikasiya qovşağı təqribən 3 il əvvəl əraziyə telefon və
internet xətti çəksə də, evlərə verilməsi təmin edilməyib. Buna səbəb
isə nazirliyin onlara material ayırmamasıdır.
Məsələ
ilə bağlı Sumqayıt şəhər Telekomunikasiya qovşağı ilə əlaqə saxlamağa
çalışsaq da, bu işə məsul olan şəxsləri iş başında tapa bilmədik.
Ümidvarıq, Sumqayıt şəhər 76-cı məhəllənin sakinlərinin bu problemi tez
bir vaxtda öz həllini tapacaq.
Xəbərdən istifadə edərkən istinad etmək vacibdir.
