Bu barədə Xeberle.com-a açıqlama verən "Azəriqaz” İstehsalat Birliyinin İctimaiyyətlə Əlaqələr şöbəsinin rəisi Ceyhun Səfərov bildirib ki, sırf dövlət yoxlanışı çatmış sayğaclar, istər smart olsun, istərsə də mexaniki-elektron, 5 ildən bir əhali abonent qrupunda yenisi ilə əvəzlənir. Bu dəfə isə, smart kart tipli sayğacların say etibarilə alışını minumuma endirdiyimiz üçün hazırda onlar mexaniki-elektron sayğaclarla əvəzlənir. Mexaniki-elektron sayğacın artıq sərfiyyat yazması ilə deyilən iddiaların əsası yoxdur. Sayğaclar ölkəyə gətitilib, istismara verilməzdən əvvəl ciddi yoxlanışdan keçir. Bu yoxlanışlara "Azəriqaz” İB tərəfindən deyil, Azərbaycan Metralogiya İnsitutu tərəfindən nəzarət edilir. Müşahidəçi qismində isə, Energetika Nazirliyinin Enerji Tənzimləmələri Agentliyi tərəfindən mütəxəssislər bu prosesi müşahidə edir və hər iki qurumun da nümayəndələri "Azəriqaz” İB-nin Metrologiya Departamentində bu işə daim nəzarət edirlər. Hansısa sayğac əgər normadan artıq sərfiyyat qeydə alarsa, sayğac ümumilikdə istismara buraxılmır. Çünki istismardan öncə yoxlanış mərhəsini keçir. Sadəcə dekabr ayının sonu, yanvar ayının əvvəlində dəyişdirilmiş sayğaclar barədə belə məsələlər ortaya çıxır. Bu da aydın məsələdir ki, limit həddinin dəyişdiyi ərəfədir. Kim limit həddini keçirsə, əksəriyyət dekabr ayının sonunda keçir. Yanvarın 10-dək mexaniki sayğacların hesabat dövrüdür, o vaxta qədər limit həddi oxunur. Kimlər ki, bu müddət dövründə bir az artım müşahidə edir, unudur ki, artıq sərfiyyatı 20 qəpikdən işlətməyə başlayıb. Ona görə də rəqəmlər artıq görünür. Əslində isə sayğaclar sərfiyyatı artıq qeydə almır.

Xədicə Səxavətqızı