Bu
gün Azərbaycanın əksər rayonlarında həmçinin Bakıda və Abşeron
yarımadasnsa hava yağıntılı olub, bəzi rayonlarda qarın hündürlüyü 42
santimetrə çatıb. Hava şəraitini kəskin dəyişməsi ilə əlaqəli olaraq
bəzi komunal təsərrüfat sahələrində problemlər yaranıb.
Sumqayıt şəhərində nəqliyyatda heç bir problem olmadığı bildirilib.
Nəqliyyat departamentinin rəisi Sultan Əsədov Xeberle.com-a bildirib
ki, hal hazırda şəhərdaxili marşrutlarda heç bir problem yoxdur,
nəqliyyat vasitələrinin sayında azaldılma olsa da, bütün xətlər üzrə
avtobuslar hərəkətdədir.
Təhsil sahəsində də heç bir problem yaranmayıb. Sumqayıt şəhər Təhsil
Şöbəsindən məlumat verilib ki, bütün təhsil ocaqları fəaliyyətini davam
etdirir. Məktəbə gələ bilən şagirdlər və müəllimlər dərslərini əyani
formada davam edirlər.
Şəhər Kommunal Təsərrüfat idarəsi də yolların vaxtında təmizlənməsi və
heç bir problem yaranmaması üçün bütün texnikalarını hazır vəziyyətə
gətirib.
Xədicə Səxavətqızı
Xəbərdən istifadə edərkən istinad etmək vacibdir.
