Xeberle.com xəbər verir ki, bu barədə sosial şəbəkələrdə məlumat yayılıb. Qeyd olunur ki, qəsəbənin Fərrux Qayibov küçəsində axşam saatlarında işıq dirəklərindən yalnız biri işləyir. Bu da sakinlər üçün çətinliklər yaradır.

Sumqayıt şəhər İcra hakimiyyətinin Hacı Zeynalabdin qəsəbəsi üzrə icra nümayəndəsi Lalə Hacıyeva Xeberle.com-a açıqlamasında yaranan problemdən xəbərdar olduqlarını bildirib. L. Hacıyevanın sözlərinə görə, sözügedən ərazi icra nümayəndəliyinin balansında deyil, hərbi hissənin ərazisidir: "Həmin ərazidə yeganə problem küçənin qaranlıq olması deyil, zirzəmilərlə, binaların dam örtükləri ilə də bağlı problemlər çoxdur. Bu ərazinin balansımıza verilməsi ilə əlaqədar şəhər rəhbərliyinə müraciət etmişik”.

İcra nümayəndəsi hazırki mərhələdə ərazinin problemlərinin həllinə kömək edə biləcəklərini sözlərinə əlavə edib.

Xədicə Səxavətqızı

Xeberle.com