Xəbər verdiyimiz kimi, artıq 28 sentyabrdan Sumqayıtda marşrut avtobuslarunda kart sisteminə keçilib. Lakin kart sisteminə keçilsə də, sərnişinlərin bəzi narazılıqları var. Gah satışda kart olmadığı bildirilir, gah da kart hesabında artırılan balans avtobusda quraşdırılmış terminallarda oxunmur. Müəyyən müddət keçməlidir ki, yüklədiyiniz məbləğ balansda görsənsin və rahatlıqla nəqliyyat vasitəsindən istifadə edə biləsiz.
Sumqayıt Avtomobil Nəqliyyatı ilə Sərnişindaşıma İdarəsinin rəis müavini Tofiq Saydumov Xeberle.com- a açıqlamasında problemlərin olduğunu təsdiqləyib: "Aylar öncədən kart sisteminə keçidə hazırlaşırdıq. Avtobuslarda quraşdırılan ödəmə terminallarının yaratdığı problemlər indiyədək bizim işləri ləngidirdi. Terminallar dəyişdirildi, lakin yenə də müəyyən problemlər var. Bu işlə məşğul olan xüsusi mütəxxəsislər var, 1-2 gün müddətində bütün problemlər aradan qaldırılacaq".
Xəbərdən istifadə edərkən istinad etmək vacibdir.
