Fevralın 28-də Sumqayıt Regional Mədəniyyət İdarəsinə tabe olan Sumqayıt şəhərinin Tarixi Muzeyində Sumqayıt hadisələrinin 34-cü ildönümü ilə əlaqədar dəyirmi masa keçirilib.
Xeberle.com xəbər verir ki, tədbiri giriş sözü ilə açan muzeyin direktoru Aygün Zülfiqarlı qeyd edib ki, ermənilərin tam düşünülmüş, planlı şəkildə həyata keçirtdikləri Sumqayıt hadisələri sonrakı illərdə onların xalqımıza qarşı törətdikləri cinayətlərin başlanğıcı kimi Azərbaycan tarixinə düşüb. Lakin, 2020-ci il sentyabrın 27-də növbəti dəfə erməni təxribatının qarşısını almaq məqsədilə başlanan 44 günlük Vətən müharibəsində "Qarabaqğ Azərbaycandır!” şüarı ilə Müzəffər Ali Baş Komandan cənan İlham Əliyevin rəhbərliyi ilə Azərbaycan ordusu qələbə çalaraq tarixi və əzəli torpaqlarımızı işğaldan azad edib. Diskusiya zamanı muzey əməkdaşları və tədbirdə iştirak edən Sumqayıt Dövlət Universitetinin tarix fakültəsinin tələbələri erməni fitnəkarlarının şəhərimizdə törətdikləri təxribatın mahiyyətini açaraq Sumqayıt hadisələrinin baş verdiyi tarixi vəziyyətdən söz açıblar. Sonda tədbir iştirakçılarına muzeyin fondlarından tərtib olunan Sumqayıt hadisələrinin həqiqətlərini özündə əks etdirən sərgi təqdim edilib.
Xəbərdən istifadə edərkən istinad etmək vacibdir.
