1939-cu ildə Sumqayıtda tikilən ilk sənaye obyekti İstilik-Elektrik Mərkəzidir (1 saylı Sumqayıt İEM). İEM Bakı şəhərini əlavə elektrik enerjisi ilə təmin etmək məqsədilə tikilmişdir.
Sənaye obyektinin tikintisinin baş icraçı təşkilatları əvvəlcə Cənub Enerji Tikinti Tresti, daha sonra isə Qafqaz Enerji Tikinti İdarəsi idi.
1939-cu ilin fevral ayında Sumqayıt İEM-in 1 saylı generatoru Bakının neft sənaye müəssisələrinə ilk dəfə elektrik cərəyanı verdi. Qeyd etmək lazımdır ki, Sumqayıt İstilik-Elektrik Mərkəzi Azərbaycanın ilk istilik-enerji mərkəzidir.
1941-ci ildə Böyük Vətən Müharibəsinin başlanması ilə İEM-in tikintisi müvəqqəti dayandırıldı. 1944-cü ildə tikinti işləri yenidən bərpa edildi. 1959-cu ildə Sumqayıt sənaye rayonunun istilik və elektrik enerjisinə artan tələbatını ödəmək məqsədilə 2 saylı Sumqayıt İstilik-Elektrik Mərkəzinin tikintisinə başlanıldı.
1939-1974-cü illər ərzində 1 saylı Sumqayıt İEM 50 milyard klv/saat elektrik enerjisi istehsal etmişdir. 1978-ci ildə Bakı və Sumqayıt iqtisadi regionunda istehsal edilən elektrik enerjisinin xeyli hissəsi Sumqayıtın 1 və 2 saylı İEM-lərinin payına düşürdü.
1941-ci illə müqayisədə1992-ci ildə Sumqayıtda istehsal olunmuş elektrik enerjisinin həcmi 19 dəfə artmışdır.
Məmmədov R.S., Sadıqov H.Ş. Sumqayıt: tarixdən səhifələr (1930-2000). Sumqayıt-2010.
Həmid Alıyev. Sumqayıt şəhərinin tarixi. Bakı-2011.
Союз Архитекторов СССР. Сумгаит. А.С. Богданов, Э.И. Долуханова. Москва-1958.
https://eneca.by/novosti/energetika-i-energoeffektivnost/krupneyshie-elektrostancii-mira
http://www.aera.gov.az/az/history/energetika-inkishaf
(Mənbə: sumqayit24.az)
Xəbərdən istifadə edərkən istinad etmək vacibdir.
