Sumqayıt sakinləri son günlər şəhərin bir çox küçə və prospektlərində işıqların yanmamasından, küçələrdəki zülmətdən şikayətçidir. Belə ki, şəhərin bir çox yerində gecə saatlarında işıq dirəkləri söndürülür.
Xeberle.com xəbər verir ki, əsasən küçə işıqları Məhəmməd Əsədov və İsmət Qayıbov küçələrində, eləcə də Koroğlu prospektinin bəzi hissələrində yandırılmır. Sakinlərin sözlərinə görə, bəzi hallarda yol-nəqliyyat hadisələrinin səbəbi məhz dirəklərin işləməməsi olur.
"Küçə işıqları” Təsərrüfat Hesablı Xidmət Sahəsinin baş mühəndisi Eyvaz Eyvazov bildirib ki, bu bütün dünyada qəbul olunmuş bir tendensiyadır. Gecə saat 12-dən sonra işıqlandırma 70 faiz aşağı olur, və iki dirəkdən biri sönür. Mühəndisin sözlərinə görə, vətəndaşların narahatlığına əsas yoxdur.
Xəbərdən istifadə edərkən istinad etmək vacibdir.
