Sumqayıtda 88 yaşlı qadın baxımsız və köməksiz vəziyyətdə qalıb. Bu günə qədər yaşlı qadına qonşular baxsalar da, onunla heç kəs maraqlanmayıb. Kimsəsiz və biçarə qadın aidiyyəti qurumlardan şikayətlənir.
Baxımsız və natəmiz otaq, antisanitar şəraitdə kimsəsiz, köməksiz və xəstə halda tənha yaşayan 88 yaşlı qadın. Acınacaqlı görüntülər Sumqayıt şəhəri 17-ci mk, bina 2, mənzil 2-dəndir.
Qonşuların sözlərinə görə, 88 yaşlı Roza Babalı 1989-cu ildən sözügedən mənzildə yaşayır. Kimsəsiz və tənha yaşayan qadının səhhətində son aylar ciddi problemlər yaranıb. Xəstə yatan yaşlı qadın ağrıları olduğundan gecələri ancaq qışqırmaqla keçirir.
Ərazidə çəkiliş apardığımızdan xəbər tutan 11 saylı Mənzil İstismar Sahəsinin rəisi İsgəndər Quliyev kimsəsiz qadının yaşadığı binanın qarşısına gəldi. Və gələn kimi də çəkilişimizə mane olmaq istədi.
Məsələyə Sosial Xidmətlər Agentliyindən də münasibət öyrənmişik.
Agentlikdən o da bildirildi ki, lazımi qiymətləndirmənin ardınca yaşlı qadının aidiyyəti üzrə müəssisədə yerləşdirilməsinə baxılacaq.
Xəbərdən istifadə edərkən istinad etmək vacibdir.
