Bu barədə Xeberle.com-a şəhidlərdən birinin yaxını Kübra Novruzova bildirib. K. Novruzovanını sözlərinə görə. 1994-ci ildə inşa edilən şəhid abidəsinin vəziyyəti heç də ürəkaçan deyil:” Abidə Birinci Qarabağ Müharibəsində şəhid olan 10 şəhidin xatirəsinin əbədiləşdirilməsi məqsədi ilə qoyulub. Hazırda abidə yaxşı vəziyyətdə deyil. Biz şəhid ailələri bu abidənin abadlaşdırılmasını istəyirik”

Abidənin yerləşdiyi 24 nömrəli məktəbin direktoru Nəsibə Cabbarova ilə əlaqə saxladıq.

N.Cabbarova Xeberle.com-a açıqlamasında vəziyyətdən xəbərdar olduğunu və abidənin abaşdlaşıdırlması üçün müvafiq addımlar atılacağını bildirdi: "Yaxınlıqdakı yeni hündürmərtəbəli bina tikilir. Binanın tikintisi yekunlaşdıqdan sonra məktəbin həyəti və şəhid abidəsi də abadlaşdırılacaq. Bizim məktəbimizin də 3 məzunu şəhid olub.”

Xədicə Səxavətqızı