Sumqayıt sakinləri 12A saylı marşrutdan şikayətçidirlər.
Xeberle.com-un redaksiyasına şikayət ünvanlayanlar deyir ki, "Stansiya Sumqayıt" adlanan ərazinin sakinləri əsasən şəhid ailələri və qazilərdir. Əraziyə yalnız 1 marşrut işləyir ki, o da bir saatdan bir gəlir: "12A marşurutu yay ayı boyunca cəhənnəmə çevrilmişdi. Kondisioner işlədilmirdi.Bununla yanaşı gecikmə ilə hərəkət edir. Gecikmənin səbəbini soruşanda gah avtobus qırılıb, gah da sürücü yoxdur deyirlər".
"Sumqayıt Nəqliyyat-1" MMC-dən Xeberle.com-a verilən açıqlamada problemdən xəbərdar olduqlarını bildiriblər. Qeyd olunub ki, 15 sentyabrdan mövcud problem öz həllini tapacaq: "Hazırda sürücü çatışmazlığı var deyə, xəttə yalnız 4 avtobus buraxılıb".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
