Piyadaların maneəsiz hərəkəti üçün səkiləri olmayan küçələrlə Sumqayıtda çox tez-tez qarşılaşmaq olar. Bu şəkillər bir çox şeyi ifadə edir. Bunlar şəhər kənarında deyil, Babək prospektində çəkilib. Gördüyünüz kimi, burada səkilər yoxdur və piyadalar birbaşa avtomobil yolu ilə getmək məcburiyyətindədirlər.
Məsələ ilə əlaqədar Sumqayıt şəhər İcra Hakimiyyətindən Xeberle.com-a açıqlama verilərək bildirilib ki, son illər Sumqayıt şəhərində avtomobil yolları ilə yanaşı, piyada səkilərinin də təmir olunması istiqamətində genişmiqyaslı işlər görülüb. Hazırda da şəhər ərazisində səkilərdə təmir işləri həyata keçirilir. Mərhələli şəkildə şəhər ərazisindəki bütün səkilərin, eləcə də qeyd olunan ərazidəki səkilərin təmir olunması nəzərdə tutulub.
Onu da bildirək ki, qeyd olunan ərazidə piyadalar üçün alternativ yol mövcuddur. Yolun qarşı tərəfində piyadalar üçün geniş səki var və hazırda insanların böyük əksəriyyəti həmin səkidən istifadə edir. Eyni zamanda, yolda avtomobillərin hərəkətin intensivliyi nəzərə alınaraq piyada zolaqları çəkilib.
Xədicə Səxavətqızı
Xəbərdən istifadə edərkən istinad etmək vacibdir.
