Dünən Türkiyənin məşhur müğənnisi Simge Sağın Bakıda Konqres Mərkəzində konsert verib.
Xeberle.com məlumat verir ki, özünəməxsus ifaları ilə seçilən türk pop ifaçısı Simge konsertdən öncə jurnalistlərə açıqlama verib.
O bildirib ki, Azərbaycanda ilk dəfə belə bir səhnədə konsert verir. Və bundan böyük qürür hissi duyduğunu vurğulayıb.
"Bu gün çox həyəcanlıyam və çox xoşbəxtəm. Əminəm ki, gözəl bir konsert olacaq. Sevənlərimə də məni tək qoymadıqları üçün təşəkkür edirəm", - deyə bildirib.
Həmçinin o, müsahibə zamanı "Qarabağ" klubunun UEFA Avropa Liqasında növbəti parlaq qələbə qazanması münasibətilə təbrik edib.
Konsert izləyicilərin böyük maraq və coşqusuna səbəb olub. Müğənni ona olan ə isti münasibəti görərək, "Hər həftə burada sizinlə konsert verə bilərəm..", - deyə ürəyindən keçənləri dilə gətirib.
Xəbərdən istifadə edərkən istinad etmək vacibdir.
