Pərvin Abıyeva, Fərda Xudaverdiyev və İslam Mehrəliyev kimi yerli məşhurların da çəkildiyi "Yanlış anlama" filminin İstanbulda qala gecəsi keçirilib.
Milli.Az xəbər verir ki, türkiyəli məşhur kino ulduzları ilə eyni filmdə rola alan azərbaycanlı aktyorların da iştirak etdiyi qala gecəsi maraqlı anlara səhnə olub. Belə ki, "Arka Sokaklar"dan "Mesut Komiser" obrazı ilə rəğbət qazanan Şevket Çoruh "Yanlış Anlama"da azərbaycanlı tərəf müqabili olan model-aktrisa Pərvin Abıyevadan gözünü çəkə bilməyib.
Qeyd edək ki, Şevket Çoruhun transparan əlbisəsi ilə gecənin ən çox diqqət çəkən məşhurlarından olan Pərvindən gözünü çəkməməsi Türkiyə mediasının da diqqətindən qaçmayıb.
Xatırladaq ki, aktyorun Günay Karacaoğlu ilə evliliyindən bir qızı dünyaya gəlib. Şevket Çoruh daha sonra Günay Karacaoğlundan boşanaraq, bunu "Artıq bir-birimizi sevmirik" sözləri ilə izah edib.
Qala gecəsindən həmin kadrları təqdim edirik:
Xəbərdən istifadə edərkən istinad etmək vacibdir.
