Müğənni Könül Kərimova “Xəzər” telekanalında yayımlanan “Telemaqazin” verilişinə açıqlamasında duet təklifi aldığını deyib: 

“Alimdən təklif aldım, düşünmədən, mahnını eşitmədən qəbul etdim. “Sevirəm” adlanan mahnı maraqlı alınıb. Bu duetimiz silsilə şəklində davamlı olacaq. Klipi isə yaz aylarında çəkəcəyik. Gənc ifaçılara dəstək olmaq lazımdır. Bütün həmkarlarıma bunu məsləhət görürəm. Mənə kimdən duet təklifi gəlirsə, qəbul edirəm. Bu mənim borcumdur”. /axsam.az/
Qeyd edək ki, "Sevirəm" adlı mahnının musiqisi Alim Mirzəyevə, sözləri isə tanınmış aparıcı Zabir Əliyevə aiddir.

Xatırladaq ki, Könül Kərimova bir vaxtlar Namiq Qaraçuxurlu, Cabbar Musayev, Cavad Rəcəbovla da bir duet ortağı olub. Və belə görünür ki, artıq Könül Kərimova bütün duet ortaqlarını gənc, istedadlı ifaçı Alim Mirzəyevə dəyişib.

Görəsən, Alim Mirzəyevlə Könül Kərimovanın yeni mahnısına xanım müğənninin əvvəlki duet ortaqlarının münasibəti necə olacaq?

“Xeberle.com” olaraq yaxın günlərdə Namiq Qaraçuxurlu, Cavad Rəcəbov və Cabbar Musayevin də açıqlamalarını, fikirlərini sizlərlə bölüşəcəyik.