Azərbaycanlı müğənni Yaşar Cəlilov "Ay qonşu" adlı mahnısına klip çəkdirib. “Xəbərlə”nin məlumatına görə, kompozisiyanın sözləri Azər Şirin, musiqisi Tərlan Məmmədhüseynova məxsusdur. Klipin ssenari müəllifi Azər Baxşəliyev, rejissoru Elmir Süleymanovdur.  

Hazırda montaj işlərinin aparıldığı ekran işi yaxın günlərdə təqdim olunacaq. Yaşar Cəlilovun sözlərinə görə, klipin süjet xətti onun qonşusuna olan sevgisindən bəhs edir: “Bu, mənim 13-cü klipimdir. Sevilən və professional aktyorlarla kamera arxasına keçmək mənə böyük zövq verdi. Əminəm ki, mahnı kimi klipi də tamaşaçılar, xüsusən də qonşuları ilə yaxşı münasibətdə olanlar bəyənəcək. Bu işimizin də uğurlu alınacağına inanıram”.

“Ay qonşu” mahnısına çəkilən klipdə əsas rolları müğənni ilə  yanaşı, Gənc Tamaşaçılar Teatrının aktyorları, əməkdar artist Nəsibə Eldarova (nənə), Natiq Fərzəliyev (satıcı) və Səbinə Məmmədova (qonşu qız) canlandırıb.

Sözügedən klipin operatorları Rəşad Qarayev, Cavanşir Ağayev, işıqşısı Novruz Novruzov, montaj işi Elnar Həşimov, rəssamı Elnarə Səfərova, qrim ustası Tahirə Əliyeva, kastinq Mehman Məmmədov, təşkitatı işləri isə Sarvan Zamanova məxsusdur.   

"Ay qonşu" mahnısına çəkilən klip "Bizim Cəbiş müəllim" və "Məhəllə" filmlərinin çəkildiyi həyətdə lentə alınıb.

Müğənni Yaşar Cəlilovun klipinin çəkiliş prosesindən olan fotosessiyanı təqdim edirik:

Çinarə Vaqif

Xəbərlə.com