Azərbaycan təmsilçiləri "Sinemanın kral və kraliçası” seçilməyib.
İstanbulda keçirilən Türkiyənin məşhur "Sinemanın kral və kraliçası” layihəsinin 2018-ci ilin finalçıları bəlli olub. Tanınmış sənətkarların və peşəkarların münsifliyi ilə baş tutan Qala gecəsində Türkiyənin Anadolu liseyinin tələbəsi 18 yaşlı Can Altıntaş "Kral”, 20 yaşlı Aslı Can isə "Kraliça” adını qazanıb.
Azərbaycanı müsabiqədə təmsil edən Pərvin Həsənzadə və Pərviz Musayev yer tuta bilməyib. Hər iki gənc bildirib ki, digər finalçılarla birgə düşərgədə qaldıqları müddətdə Ayça Kurudan imic, zəriflik, yerimək-durmaq dərsləri alıb, rejissor Avni Kütükoğlundan aktyor və aktrisalığın sirlərini öyrənib və tamaşalarda fəal iştirak ediblər.
Selin Aksu və Yavuzhan Buğra Yüksel ikinci, Meltem Avşaroğlu, Sacit Süer və Ali Yağız Durmuş üçüncü yerə sahib olub. Sosial şəbəkədən toplanan ballara əsasən isə Edip Çağatay və Berfin Anastasiya "Sosial Media gözəli” seçilib.
Kino və serial sektoruna yeni üzlər qazandırmağı hədəf alan müsabiqənin final gecəsi "Wow İstanbul Hotel & Convention Center”də reallaşdılıb. "Sinemanın Kral və kraliçası” layihəsinin Azərbaycan nümayəndəliyinin rəhbəri Vüsalə Səid Əyyub qızının sözlərinə görə, baxmayaraq ki, Azərbaycanlı finalçılar yer tutmayıb, bu müsabiqə onlar üşün bir təcrübə olub.
Xəbərdən istifadə edərkən istinad etmək vacibdir.
