Əməkdar artist Lalə Məmmədova son zamanlar həyatında baş verənlərdən danışıb.
Xeberle.com axşam.az-a istinadən xəbər verir ki, müğənni "Xəzər maqazin"ə müsahibə verib. Şəxsi həyatında bir sıra çətinliklər yaşayan Məmmədova hisslərini izləyicilərlə bölüşüb. 
"Güclü qadın yoxdur. Sıfırdan başlamağı bacarmalısan. Qadın özünü itirmədən, sındırmadan, əyilmədən həyatında baş verən hansısa dönəmdə sıfırdan başlamağı bacarırsa və uğurlu işlərə imza atırsa, o zaman güclü qadın sayılır. Qadın kişi ilə, kişi də qadınla birləşəndə güclü olur. Hələ ki, övladlarımı ayağa qaldırmağı düşünürəm". 
40 yaşlı L.Məmmədova evlilik təklifi aldığını etiraf edib:
"Evlilik təklifləri çoxdur, dostluq etmək istəyənlər də var. Hərtərəfli görürəm ki, mənə qarşı çoxdur diqqət. Amma biz sənət adamları tanındıqca tənhalaşırıq".
Qeyd edək ki, L.Məmmədova ailəli olub, iki övladı var. Sənətçi bir neçə il əvvəl ərindən boşanıb.

Xəbərdən istifadə edərkən istinad etmək vacibdir.