Əməkdar artist Elza Seyidcahanın açıqlamaları sonra şou-biznesdə yeni qalmaqala yol açıb.
Xeberle.com Minval.info-ya istinadən məlumat verir ki, sənətçi gənc müğənni Damla haqqında sərt
sözlər deyib və onun fotosunu bir neçə yerə cırıb. Hətta onun dedikləri
arasında təhqir kimi kəlmələr yer alıb.
"Mən ona nə qiymət verə bilərəm? Onun mahnısına qulaq asmaram. Nə
musiqidən gedir söhbət? Pis söyüşlərlə dillərə düşürlər. 3 ay efirə
çıxmasın, gör o zaman damcı var?! Heç damcı da yoxdur, nəinki damla.
Mənim nə nəslim, nə də Allah rəhmət eləsin pişiyim, nə də itim ona qulaq
asa bilməz. İnsanda necə sifət olar ki, gələsən efirdə gəlib bəzətdirib
tək oturasan. Bir insan ki, adından utanırsa, o, atasına niyə ağlasın
ki…?” – Əməkdar artis bildirib.
Müğənni Damla E.Seyidcahanın dediklərinə açıqlama verərkən ehtiyatlı davranıb və səbrli şəkildə cavab verib:
"Elza xanım bizim dəyərli bəstəkarımız Arif Məlikovun tələbəsidir.
Ali savadlı, təhsillidir və çox güclü musiqi duyumuna sahibdir. Onun çox
gözəl bəstələri var, sevərək dinləyirəm. Hətta onun bəzi musiqilərini
əsər adlandırardım. Amma təbii ki, onun dedikləri etik normalardan kənar
olub və bu, onun kimi insana yaraşmır. Mənim sevgim, sayğım bundan
sonra da Elza xanıma qarşı dəyişilməyəcək. Mənim aldığım tərbiyə icazə
verməz ki, özümdən böyüklərə cavab qaytarım”.
Xəbərdən istifadə edərkən istinad etmək vacibdir.
