Sumqayıt Dövlət Rəsm Qalereyasının və Azərbaycan Yazıçılar Birliyi Sumqayıt bölməsinin birgə təşkilatçılığı ilə nakam taleli şairimiz Mikayıl Müşfiqin anım günü keçirilib.
Xeberle.com xəbər verir ki, sumqayıtlı peşəkar və gənc rəssamlar Xəzər dənizi sahilində keçirdikləri etüdü ölməz Müşfiqin əziz xatirəsinə həsr ediblər.
Çıxış edənlər Sumqayıt şəhər İcra Hakimiyyətində humanitar məsələlər üzrə şöbənin müdiri Fərman Kazımov, AYB - nin Mətbuat xidmətinin rəhbəri, Müşfiq Komissiyasının sədri şair Xəyal Rza, Azərbaycan Yazıçılar Birliyi Sumqayıt bölməsinin sədri Gülnarə Camaləddin, Sumqayıt Dövlət Rəsm Qalereyasının direktoru Ellada Həsənova, şair və yazıçılar Mikayıl Müşfiq haqqında maraqlı faktları dilə gətirdilər.
Tədbir iştirakçıları Xəzərin sahilində, dənizə tər qərənfillər səpiblər. Xatirəsi ürəklərdə olan şairin rəmzi məzarı - Xəzər sakit-sakit dalğalanaraq ölməz Müşfiqin əziz xatirəsini onu sevənlərlə birgə yad edib.
Q.Qarayev adına 1nömrəli musiqi məktəbinin kollektivi musiqi nömrələri ilə çıxış ediblər.
Xəbərdən istifadə edərkən istinad etmək vacibdir.
