Bu günlərdə Səməd Vurğun adına Sumqayıt şəhər Mərkəzi Kitabxanada istedadlı şair Sabir Yusifoğlunun "Dünya ilə heç-heçəyəm" adlı şeirlər kitabının təqdimatı keçirilib.
Tədbirdə Azərbaycan Jurnalistlər Birliyinin Sumqayıt bölməsinin sədri, tanınmış şair-publisist, Əməkdar jurnalist Rafiq Oday poeziya həmkarı olan yubilyarın yaradıcılığı haqqında qısa məlumat verib, yazıçı-dramaturq Əyyub Qiyas, şairlərdən Əli Nəcəfxanlı, Zirəddin Qafarlı, Asif Asiman, şair-rejissor Nazir Rüstəmov, xalçaçı rəssam, respublikanın Əməkdar incəsənət xadimi Fazil Abbasquluzadə, Mərkəzi Kitabxananın müdiri, Əməkdar Mədəniyyət işçisi Yeganə Əhmədova və başqaları şairin son illər poeziyası barədə ürək sözlərini söyləyiblər ona yeni yaradıcılıq uğurları arzulayıblar.
Çıxışlarda qələm dostları Sabir Yusifoğlunun yaradıcılığından geniş bəhs ediblər.
Tədbirdə yazarın şeirləri bədii qiraət olunub.
Sonda S.Yusifoğlu "Müqəddəs qələm" diplomu ilə təltif olunub.
Qeyd edək ki, S. Yusifoğlu "Dünyanı özümlə aparmıram ki...”, "Yaşamağa bəhanə çox”, "Mənə bir məktub göndər” şeir kitablarının müəllifidir.
Xeberle.com
Xəbərdən istifadə edərkən istinad etmək vacibdir.
