Dekabrın 20-də Sumqayıt şəhər Mərkəzi kitabxanasında əməkdar jurnalist Eyruz Məmmədovun "P.S." adlı romanının müzakirəsi keçiriləcək.

Qeyd edək ki, məhəbbət mövzusundan bəhs edən romanın qəhrəmanı Çingiz bir müddət işsiz qalır. Sonra onu böyük bir şirkətə işə dəvət edirlər. Burada o, Həmidə adlı bir qıza aşiq olur və könlünü ona bağlayır. Lakin şirkətin prezidenti Əflatun bu məhəbbətin ona uğur gətirməyəcəyini söyləyir. Çingizə elə gəlir ki, Əflatun onun məhəbbətinə qısqanır, əslində isə belə deyilmiş...

Kitabın müəllifi Eyruz Məmmədov uzun illərdir ki, bədii yaradıcılıqla məşğuldur. Onun publisistika janrından əlavə, indiyədək 15-ə yaxın tarixi, bədii kitabları çapdan çıxıb. Əsərləri rus, alman və ingilis dillərinə tərcümə olunub.

Xeberle.com