Sumqayıtda yazıçı-publisist Arif Ərşadın kitabının təqdimatı keçirilib.
Xeberle.com xəbər verir ki, təqdimat yazıçının 60 illik yubileyi ilə birgə M.Ə.Rəsulzadə adına kitabxana filialda keçirilib.
Tədbirə kitabxananın fəal oxucuları da qatılıb. Tədbirin keçirilməsində şəhərimizin yazarlarını ictimaiyyətlə daha yaxından tanış etmək, oxucularda mütaliəyə marağı artırmaqdır. Tədbirdə yazarın qələm dostları yazıçı-publisist Hümbət Həsənoğlu, Azərbaycan Respublikanın Əməkdar jurnalisti Rafiq Oday, AYB Sumqayıt bölməsinin sədri, şairə Gülnarə Cəmaləddin, Azərbaycan Respublikasının Əməkdar İncəsənət xadimi Ağalar İdrisoğlu və digər qonaqlar yazıçının yaradıcılıq yolundan söz açıb, kitab haqqında fikirlərini bölüşüblər. Sonda tədbirdə iştirak edən gənc oxucuların sualları Arif müəllim tərəfindən cavablandırılıb. Yaradılan şəraitə görə zəhməti keçən hər kəsə təşəkkürünü bildirən, məmnunluq hissi duyduğunu dilə gətirən Arif Ərşad müzakirədə yaxından iştirak edən oxucular üçün kitablarını imzalayıb və hədiyyələr təqdim edib.
Xəbərdən istifadə edərkən istinad etmək vacibdir.
