Türkiyənin Trabzon şəhərindən olan səyyah, tarix müəllimi Ragıp Rəis yenidən Azərbaycana səfər edib. 

Xeberle.com-un məlumatına görə, səfərinin ilk tarixlərinin Zəfər Günü və Dövlət Bayrağı gününə düşən Ragıp Bakı şəhərində maarifləndirici videoçarxlar hazırlayıb, Zəfər Gününün tarixi, 44 günlük Qarabağ zəfərinin 10 noyabrda əldə olunduğu halda 8 noyabra dəyişdirilməsinin səbəbi, ölkəmizdə Türkiyə Cümhuriyyətinin ümummilli lideri Mustafa Kamal Atatürkə olan sevgidən söz açıb.

 Səfərinin 4-cü günü Sumqayıta gələn səyyah Bulvarı gəzib və yeni inşa olunan 2 saylı Sumqayıt ASAN Xidmətdə olub. Burada türkiyəli qonağa ASAN Xidmət konsepti, dövlət orqanları tərəfindən göstərilən yüzlərlə xidmətin bir mərkəzdən həyata keçirilməsi, dövlət qulluqçularının fəaliyyətində vətəndaşlarla davranışda məmnunluğun təmin edilməsi üçün yeni baxışın formalaşması, ölkədə dövlət qulluqçusu-vətəndaş münasibətlərinin keyfiyyətcə yeni mərhələyə keçməsi barədə geniş məlumat verilib. Ragıp Rəis ASAN xidmətin işi və fəaliyyətindən yüksək təəssüratlarla ayrılıb.

O, "Gənclər şəhəri"nin elm və təhsil, idman, mədəniyyət, teatr və digər sahələrdə əldə etdiyi ümumi nailiyyətlərindən bəhs etdiyi video hazırlayıb.

Növbəti dəfə Sumqayıtda ona göstərilən diqqət və qonaqpərvərliyə görə təşəkkür edərək səyahət marşrutunun növbəti nöqtəsi Şəki şəhərinə yola düşüb.