Sumqayıt şəhərində qaz xəttində aşkar olunan sızmaların aradan qaldırılması məqsədilə bəzi ərazilərdə qaz təchizatı müvəqqəti dayandırılacaq.
Xeberle.com-un məlumatına görə, şəhərin 13-cü mikrorayonunun bir hissəsində qaz xəttində baş vermiş sızmanın ləğvi ilə əlaqədar olaraq təxminən 700 abonentin qaz təchizatı dayandırılacaq.
Eyni zamanda, Corat qəsəbəsi ərazisində də qaz xəttində qeydə alınan sızmaların aradan qaldırılması üçün aparılan işlər səbəbindən 600 abonentin qaz təchizatı müvəqqəti məhdudlaşdırılacaq.
Qeyd olunur ki, təmir işləri başa çatdıqdan sonra abonentlərin qaz təchizatı mərhələli şəkildə bərpa ediləcək.
Xeberle.com
Xəbərdən istifadə edərkən istinad etmək vacibdir.
