Milli Məclisin Sumqayıt şəhərindən seçilən deputatı Xeberle.com informasiya portalının kollektivini ad günü münasibətilə təbrik edib. Bununla bağlı millət vəkili təbrik mətni ünvanlayıb. Həmin məktubu olduğu kimi təqdim edirik:
Sizi Xeberle.com xəbər portalının fəaliyyətə başlamasının 13 illiyi münasibətilə səmimi qəlbdən təbrik edirəm!
Ötən illər ərzində Xeberle.com ölkəmizin media məkanında özünəməxsus yer qazanmış, informasiya sahəsində peşəkarlığı və obyektivliyi ilə seçilmişdir. Xüsusilə Sumqayıt şəhərində fəaliyyət göstərən bu portal, yerli ictimaiyyətin səsinin eşidilməsi, şəhərdə baş verən hadisələrin obyektiv işıqlandırılması və ictimai rəyin formalaşmasında əhəmiyyətli rol oynamışdır.
Sumqayıtın ictimai-siyasi həyatında fəal iştirakınıza, vətəndaşlara operativ və düzgün məlumat çatdırmaq istiqamətindəki səylərinizə görə sizlərə təşəkkür edirəm.
Portalın rəhbərliyinə və yaradıcı heyətinə gələcək fəaliyyətinizdə uğurlar, geniş oxucu auditoriyası və dayanıqlı inkişaf arzulayıram. Əminəm ki, siz bundan sonra da peşəkar jurnalistikanın nümunəsini göstərərək Sumqayıtımızın və ümumən ölkəmizin informasiya həyatına dəyərli töhfələr verəcəksiniz!
Hörmətlə,
SƏBİNƏ SALMANOVA
Milli Məclisin deputatı
Xəbərdən istifadə edərkən istinad etmək vacibdir.
