Mərkəzi icra hakimiyyəti orqanlarının və digər idarəetmə qurumlarının rəhbərləri tərəfindən 2026-cı ilin fevral ayında şəhər və rayonlarda keçiriləcək vətəndaşların qəbulunun cədvəli məlum olub.
Xeberle.com-un məlumatına görə, vətəndaşların qəbulu müəyyən edilmiş günlərdə saat 10:00-da başlayır.
Dini Qurumlarla İş üzrə Dövlət Komitəsinin sədri Ramin Məmmədov, iqtisadiyyat naziri Mikayıl Cabbarov və elm və təhsil naziri Emin Əmrullayev Sumqayıt şəhərində vətəndaş qəbulu keçirəcəklər.
Eyni zamanda, Səfərbərlik və Hərbi Xidmətə Çağırış üzrə Dövlət Xidmətinin rəisi Mürsəl İbrahimov və Azərbaycan Avtomobil Yolları Dövlət Agentliyinin sədri Saleh Məmmədov Abşeron rayonunda vətəndaşları qəbul edəcəklər.
Qəbul zamanı vətəndaşların müraciətləri dinləniləcək, qaldırılan məsələlərin həlli ilə bağlı müvafiq tapşırıqlar veriləcək.
Xəbərdən istifadə edərkən istinad etmək vacibdir.
