Bakının keçmiş meri Hacıbala Abutalıbov hələ də icra hakimiyyətinin başçısı vəzifəsində qalıb.
Hacıbala Abutalıbovun Bakı Şəhər İcra Hakimiyyətinin başçısı vəzifəsindən uzaqlaşdırılmasından 20 günə yaxın vaxt keçməsinə baxmayaraq, icranın rəsmi saytında onun adı hələ də başçı kimi göstərilib.
21 aprel tarixindən H.Abutalıbov vəzifəsindən kənarlaşdırılsa və hətta bu sərəncam saytda yerləşdirilsə də, əlavə heç bir yenilənmə edilməyib.
Xatırladaq ki, mer vəzifəsinə hələlik heç bir təyinat olmayıb.
Qeyd edək ki, aprelin 21-də Prezident İlham Əliyev Hacıbala Abutalıbovun Bakı Şəhər İcra Hakimiyyətinin başçısı vəzifəsindən azad edilməsi haqqında sərəncam imzalayıb.
H.Abutalıbov baş nazirin müavini təyin edilib.(Axar.az)

Xəbərdən istifadə edərkən istinad etmək vacibdir.