Xeberle.com-un məlumatına görə, "Sumqayıt” qəzetinin baş redaktoru Qüdrət Məlikov 79 yaşında vəfat edib.
Qeyd edək ki, Qüdrət Məlikov 1941-ci ildə Sabirabadşəhərində anadan olub.. 1968 - ci ildə ADPU - nin filologiya fakültəsini bitirib. 1969 - cu ildən jurnalist ixtisası üzrə işləyir. Uzun illərdir ki, "Sumqayıt” qəzetinin baş redaktoru idi.
Azərbaycanda ilk mətbu orqanı olan " Əkinçi " qəzetinin naşiri Həsənbəy Məlikov ( Zərdabi ) nəslindən olan Qüdrət Məlikov saysız - hesabsız publisistik yazıların vəoçerklərinmüəllifidir.
Şeirləri respublikanın dövri mətbuatında, " Sumqayıt - 50 ", " Bu yurdun aşılmaz dağları qala ", " Sevgi məktubları ", " Bizdən sizə qalan sözdür ", " Bu da bir ömürdü ", " Həzin nəğmələrdə yaşayan şəhər " almanax və toplularında çap olunmuşdur. " Unuda bilməzsən məni ", " Səni ürəyimdə yaşadacağam " və başqa kitabların müəllifidir.
Azərbaycan Yazıçılar Birliyinin və Azərbaycan Jurnalistlər Birliyinin üzvüdür. Həsənbəy Zərdabi mükafatı və " Qızıl qələm " media mükafatı laureatıdır. " Zərdabi diplomu " ilə təltif olunmuşdur.
1991 - ci ildə SSRİ Jurnalistlərinin VII qurultayının nümayəndəsi olmuşdur.
2005 - ci ildə Azərbaycan milli mətbuatının 130 illiyi münasibətilə Azərbaycan Respublikasının Əməkdar Jurnalisti fəxri adına layiq görülmüşdür.
Sumqayıt şəhərinin 60 illiyi münasibəti ilə 16 noyabr 2009 - cu ildəAzərbaycan Respublikasının Prezidenti İlham Əliyevin sərəncamı ilə " Tərəqqi " medalı ilə təltif olunmuşdur.
