ABŞ BMT Təhlükəsizlik Şurasının Qəzzada atəşkəsə çağıran qətnaməsinə veto qoyub.
Xeberle.com məlumat verir ki, qətnamə BƏƏ tərəfindən hazırlanıb.
Təhlükəsizlik Şurasına üzv olan 15 ölkədən 13-ü sənədin lehinə səs verib. Böyük Britaniya səsvermədə bitərəf qalıb.
Şurada veto hüququna malik olan Birləşmiş Ştatlar hələ iclas başlamazdan əvvəl sənədi dəstəkləmək niyyətində olmadığını bildirib.
ABŞ-nin BMT-dəki daimi nümayəndəsinin müavini Robert Vud qətnamənin bloklanması qərarını onunla izah edib ki, sənəd HƏMAS hərəkatının hərəkətlərini pisləmir və İsrailin özünümüdafiə hüququnu əks etdirmir.
Xəbərdən istifadə edərkən istinad etmək vacibdir.
