Sumqayıt şəhər Mədəniyyət və Turizm İdarəsinin mətbuat xidmətindən verilən məlumata görə Səməd Vurğun adına Mərkəzi kitabxananın uşaq şöbəsində AYB Sumqayıt bölməsinin sədri, şair Sabir Sarvanın iştirakı ilə mütaliə ili ilə bağlı müzakirə saatı keçirilib.
Azyaşlı oxucularla keçirilən tədbirdə onların mütaliə maraqları müzakirə olunub. Tədbirdə oxucuların əsasən xarici ölkə yazarlarının əsərlərinə və detektiv janra maraqları diqqət çəkib. Sabir Sarvan oxucuları dinləyərək onlara milli ədəbiyyata maraq göstərmələrini tövsiyə edib.
Görüşdə azyaşlılar şairin suallarını cavablandırıb, oxuduqları əsərlər haqqında fikirlərini ifadə edib, şeirlərdən nümunələr səsləndiriblər.
Xəbərdən istifadə edərkən istinad etmək vacibdir.
