Bəzən Xeberle.com portalının poçt ünvanına bölgələrimizdən də oxucu məktubları, şikayətlər daxil olur. Bunlardan biri də bu günlərdə Əhmədov Kənan Nemət oğlu tərəfindən göndərilib. Məktubu olduğu kimi təqdim edirik:
Mən Əhmədov Kənan Nemət oğlu  Azərbaycan Respublikasının vətəndaşı, Şəki şəhəri Oxud kənd sakini  uzun müddətdir acınacaqlı vəziyyətdə yaşayıram. Əslində, daha bu ölkədə yaşaya bilmirəm, dolana bilmirəm... Uşağım xəstə, özüm xəstə... Dəfələrlə aidiyyəti qurumlara, yerli icra orqanlarına müraciət eləmişəm, qapısını döymədiyim məmur qalmayıb, amma heç bir faydası yoxdur. Mənə yardım edən yoxdur. Belə ədalətsizlik olmaz axı?! Birtəhər borc-xərc edib balaca bir torpaq sahəsi almaq istədim, boş torpaq idi. Bunu əldə etməyim üçün icradan məndən 600 manat rüşvət tələb edirlər. Axı hansı əsasla?! Belə məmurların "sayəsində” insan haqları qorunmur, əksinə, pozulur ölkəmizdə. Ağ ciyər xəstəsiyəm, amma cəmi 50 manat təqaüd alıram. Kimə, hara müraciət edim ki, mənə köməklik etsinlər?! Bu işə cavabdeh olan qurumlar mənim qayğıma qalmırsa, məni ailəmin yanında gözükölgəli qoyursa, başqa cıxış yolunu intiharda görürəm. Xahiş edirəm, mənim səsimi yuxarılara çatdırın!
Əlqə telefonu: 055 284 78 70, 055 284 79 93, 051 595 78 86.