ABŞ hakimiyyəti Braun Universitetində baş verən atışmada şübhəli bilinən şəxsin ölkəyə "Green Card" lotereyasını vasitəsilə daxil olması səbəbilə bu proqramın icrasını müvəqqəti olaraq dayandırıb.
Xeberle.com məlumat verir ki, bu barədə ABŞ-nin daxili təhlükəsizlik naziri Kristi Noem "X" sosial şəbəkəsində açıqlama verib.
Noem bildirib ki, ABŞ Prezidenti Donald Trampın göstərişi ilə ölkənin Vətəndaşlıq və İmmiqrasiya Xidmətinə (USCIS) DV-1 proqramlarının dərhal dayandırılması əmrini verib.
Nazirin sözlərinə görə, bu addım amerikalı vətəndaşların "bu zərərli proqram səbəbindən artıq zərər görməməsi” üçün atılıb.
Noem həmçinin qeyd edib ki, Braun Universitetindəki atışmada şübhəli bilinən Klaudio Nevis Valenti 2017-ci ildə bu proqram vasitəsilə ABŞ-yə gəlib və yaşıl kart əldə edib.
Xəbərdən istifadə edərkən istinad etmək vacibdir.
