Ənvər Məşədiyev adlı vətəndaş Xeberle.com portalına şikayət məktubu göndərib. Onun yazdıqlarından belə məlum olur ki, Gədəbəy-Tovuz seçki dairəsindən deputatlığa namizəd Nazim Hüseynli özünə dəstək üçün saxta ziyalı imzaları toplayırmış. Məktubu olduğu kimi təqdim edirik:
İki gün əvvəl, noyabr ayının 29-da "Avropa.info” saytında verilmiş "Gədəbəy və Tovuz ziyalıları seçicilərə müraciət ünvanlayıb” sərlövhəli yazını oxuyarkən qardaşım, professor Qara Məşədiyevin və öz ad-soyadımı guya müraciət edənlərin siyahısında görəndə məni dəhşət bürüdü. Müraciət 1 noyabr seçkiləri ilə əlaqədardır. Məntiqsiz tərtib olunmuş həmin saxta müraciətə nə mən, nə də qardaşım imza atmamışıq. Nə də bu barədə bizə müraciət edən olub. Bizim qənaətimiz budur: Həmin saxta müraciətdə bircə cümlə həqiqətə uyğundur. "Ölkəmizin inkişafında ziyalılar bölgəsi olan Gədəbəy rayonunun da özünə məxsus töhfəsi var. Qaldı ki, ümumiyyətə, müraciəti bizə qarşı böhtan və təxribat sayır”. Onu tərtib etdirib sayta yerləşdirəm 104 saylı Gədəbəy-Tovuz seçki dairəsindən Milli Məclisə deputatlığa namizəd Nazim Hüseynli ciddi məzəmmətə layiqdirlər. Deyin görək böhtan və saxtakarlıqla məşğul olan adam xalq elçiliyinə layiqdirmi?!Bu yazını ictimailəşdirən "Avropa.info”dan isə saxta müraciətə təkzib verməsini tələb edirik.
Ənvər Məşədiyev
Əməkdar jurnalist
Xeberle.com
P.S. Söhbət bu yazıdan gedir:
http://avropa.info/news/99911.html