Sumqayıt şəhər Mədəniyyət və Turizm İdarəsinin rəisi Namiq Qaffarov tutduğu vəzifəsini tərk edir.
Xeberle.com-un əldə etdiyi məlumata görə, rəis öz postundan getmək üçün ərizəsini təqdim edib. Qeyd edək ki, Namiq Qaffarov artıq 9 ildir ki, şəhər Mədəniyyət və Turizm idarəsinə rəhbərlik edirdi. Onun dövründə Sumqayıt bir çox uğurlu mədəni tədbirlərə imza atıb. Adıçəkilən şəxsin hansı vəzifəyə gedəcəyi hələlik bilinmir.
Onu kimin əvəz edəcəyi ilə bağlı sualımıza isə şəhər icra hakimiyyətindən cavab verən olmadı. Həmçinin bildirək ki, gün ərzində İctimai-siyasi və humanitar məsələlər şöbəsinin müdiri, icra başçısının müavini Elgin Şirin oğlu Həbibullayevin, Sumqayıt şəhər Gənclər və İdman Baş İdarəsinin rəisi Elşən Baxşəliyevin tutduqları vəzifələrindən azad olunmaqları ilə bağlı şəhər İcra Hakimiyyətinə ünvanladığımız suallar cavabsız qaldı. Belə ki, telefon zənglərimzə cavab verən şəhər İcra hakimiyyətinin İnformasiya təminatı və təhlil sektorunun müdiri Ənvər Hüseynov, icra başçısının köməkçisi Yalçın Fərəcov bu barədə məlumatsız olduqlarını, Ərazi idarəetmə və yerli özünüidarəetmə orqanları ilə iş şöbəsinin rəsi Gündüz Əliyevin isə bu haqda məlumat verməyə vaxtı olmadığını bildirdi.
Xeberle.com-un əldə etdiyi məlumata görə artıq adıçəkilən şəxslər öz idarələrində işçilərilə görüşərək sağollaşıblar.
Xeberle.com