Rusiya prezidenti Vladimir Putin ötən həftə Milli Müdafiə Nəzarət Mərkəzində olub.

ATV.az xəbər verir ki, rus komandirlərlə birlikdə nəhəng ekranda Rusiya təyyarələrinin İŞİD mövqelərini bombalamasını izləyən Putin, Suriyadakı Rusiya hərbi birliklərinə oradakı Fransız hərbçilərlə əlaqə yaratmaları və müttəfiq olaraq hərəkət etmələri barədə təlimat verib.

Toplantının ən diqqət çəkici məqamı isə binanın özü olub. Üç mərtəbəli bu nəhəng bina Putinin "Müharibə otağı' olaraq bilinir. 

Rusiya mətbuatına yayılan xəbərlərə görə, Rusiya ordusu bu yeni mərkəzi ballistik raketlərin buraxılması və ya strateji nüvə silahlarının yerləşdirilməsi də daxil olmaqla dünyadakı hərbi əməliyyatların koordinasiya edilməsində istifadə edəcək.

Mərkəz Kremldən 3-4 kilometr uzaqlıqda yerləşir. İnşası 2014-cü ildə başa çatan mərkəzin altında labirint kimi tunelin olduğu deyilir. 

Məlumatlara görə, müharibə vəziyyətində ölkənin əsas əlaqə mərkəzinin bura olacağı bildirilir.