Sumqayıt şəhər 42 nömrəli tam orta məktəbdə Ümummilli Lider Heydər Əliyevin anım gününə həsr olunmuş xüsusi dərs məşğələləri təşkil olunub. Tədbirin məqsədi Ulu Öndərin həyat və fəaliyyətini şagirdlərə daha dərindən tanıtmaq, onun dövlətçilik ənənələrinin gənc nəslə aşılanması olub.
Anım günü ilə bağlı keçirilən dərslərdə müəllimlər Heydər Əliyevin siyasi fəaliyyəti, Azərbaycanın inkişafında oynadığı mühüm rol, eləcə də müasir dövlətçiliyin formalaşmasındakı xidmətləri barədə ətraflı məlumat veriblər. Şagirdlərə Ulu Öndərin həyat yolunu əks etdirən müxtəlif təqdimatlar nümayiş etdirilib.
Tədbir çərçivəsində həmçinin Heydər Əliyevin həyat və dövlətçilik fəaliyyətinə həsr olunmuş sənədli filmlər izlənilib. Şagirdlər Azərbaycan tarixinə dəyərli iz qoymuş liderin həyatından təsirli məqamlarla tanış olublar.
Anım dərsləri məktəb kollektivi tərəfindən böyük diqqət və hörmətlə qarşılanıb.
Xəbərdən istifadə edərkən istinad etmək vacibdir.
