Sumqayıt şəhəri, 17-ci mikrorayon, 59 saylı binanın baş tərəfdən həyətə giriş hissəsi uzun müddətdir bərbad vəziyyətdədir. Sakinlərin Xeberle.com-a bildirdiyinə görə, yol örtüyü tamamilə yararsız hala düşüb və gündəlik hərəkət üçün ciddi çətinlik yaradır.
Məlumata əsasən, yolun alt hissəsi çökmüş vəziyyətdədir. Nəticədə avtomobillər həmin ərazidən böyük çətinliklə keçir, bəzi hallarda isə ümumiyyətlə hərəkət mümkün olmur. Xüsusilə yağışlı havalarda vəziyyət daha da ağırlaşır. Yolun su ilə dolması səbəbindən piyadalar və nəqliyyat vasitələri üçün keçid tamamilə bağlanır.
Sakinlər bildirirlər ki, mövcud vəziyyət artıq uzun müddətdir davam edir və bu problem onların gündəlik həyatına da mənfi təsir göstərir. Onlar aidiyyəti qurumlardan yolun bərpası və təhlükəsiz hərəkətin təmin olunması üçün tədbir görülməsini xahiş edirlər.
Xəbərdən istifadə edərkən istinad etmək vacibdir.
