Xəbər verdiyimiz kimi, dünən Rusiyaya məxsus SU-24 təyyarəsi  türk hərbi təyyarələri tərəfindən vurularaq qəzaya uğrayıb.

İnterAz Türkiyə mətbuatına istinadən xəbər verir ki, Türkiyə Rusiyaya məxsus "Su -24” tipli hərbi təyyarəyə vurulmadan öncə edilən xəbərdarlığın səs yazısını yayıb.

Səs yazısında Rus təyyarələrinə 5 dəqiqə ərzində 10 dəfə xəbərdarlıq edildiyi məlum olub.

"Türk hava sərhədlərinə yaxınlaşırsınız. Təcili olaraq istiqamətinizi dəyişin!”-deyə xəbərdarlıq edilsə də rus təyyarəsi buna məhəl qoymayıb.

Xatırladaq ki, bu gün Türkiyə qırıcıları Suriya sərhədində Rusiya təyyarəsini vurub. Bu olaydan sonra iki ölkə arasında münasibətlər kəskin pisləşib. Rusiya prezidenti Vladimir Putin Türkiyənin bu addımını "kürəkdən vurulan zərbə” adlandıraraq Ankaranın cavab verməli olacağını bildirib.

Onu da bildirək ki, Türkiyə silahlı qüvvələri SU-24 təyyarəsi tərəfindən hava sərhəddinin pozulduğu vaxt 4 dəqiqə ərzində 10 dəfə xəbərdarlıq edildiyini bildirib. 

Hadisə ilə bağlı Rusiya müdafiə nazirliyi də öz mövqeyini bildirərək, SU-24 təyyarəsinin ancaq Suriya hava sərhəddində uçduğunu bildirib.