Nikahdan əvvəl tibbi müayinədən keçmək istəyənlər qeydiyyat məhdudiyyəti olmadan Bakı şəhərində 3 və 5 saylı, həmçinin Sumqayıt "ASAN xidmət" mərkəzinə müraciət edə bilər.
Bu barədə "ASAN” xidmət mərkəzindən məlumat verilib.
Məlumatda bildirilib ki, bir vətəndaşın tibbi müayinədən keçməsi və tibbi arayışın verilməsiylə bağlı ödəniş 9 manat təşkil edir.
"İlkin mərhələdə başlayanda pilot layihə çərçivəsində Respublika Diaqnostika Mərkəzi tərəfindən bu arayışın verilməsi ödənişsiz həyata keçirilirdi. Pilot layihə bitdikdən sonra Diaqnostika mərkəzi tərəfindən 9 azn məbləğində xidmət haqqı müəyyənşdirilib. Tibbi arayışın verilməsi ilə bağlı şəxsiyyət vəsiqəsi ilə müraciət olunur. Sənəd 5 iş günü müddətinə təqdim olunur. Bu sənəd hazır olduqdan sonra nikahın qeydə alınması ilə bağlı ərizə təqdim etmək mümkündür”.
Qeyd edək ki, tibbi müayinə və məsləhətlər nikaha daxil olmaq istəyən şəxslərin və ya onlardan birinin yaşayış yeri üzrə Azərbaycan Respublikasının Səhiyyə Nazirliyi tərəfindən müəyyən edilmiş dövlət və (və ya) bələdiyyə tibb müəssisəsində həyata keçirilir.(publika.az)
Xəbərdən istifadə edərkən istinad etmək vacibdir.
