Sumqayıtlı gənclər şəhərimizi müxtəlif sektorlarda uğurla təmsil edir. Bu təmsilçilik özünü həm dövlət idarəçiliyində, həm də özəl sektorda göstərir. Gənclərimizin bəziləri isə hətta ölkə sərhədlərini aşmağı da bacarıb, beynəlxalq təşkilatların, beynəlxalq layihələrin aparıcı simalarına çevrilə biliblər.

Ayrı-ayrı istiqamətlər üzrə həm özlərini, həm də Sumqayıtımızı nailiyyətlərlə tanıdan, uğurla təmsil edən gənclərin hamısını bir yazıda Sizlərə təqdim etməyin mürəkkəbliyini acizanə şəkildə başa düşürük. Ancaq hər halda, çalışmışıq ki, onların bir çoxunu təqdim edək və həm də qoy bu yazı bir ensiklopedik keyfiyyəti ilə gələcəkdə müəyyən əhəmiyyət kəsb etsin.

Beləliklə, gəlin tanış olaq:

Fərhad Hacıyev Azərbaycan Prezidenti yanında Gənclər Fondunun icraçı direktorudur. 2011-ci ildə Gənclər və İdman Nazirliyi yanından yaradılan Gənclər Fondu 2012-ci ilin dekabrın 29-da prezident İlham Əliyevin sərəncamı ilə Gənclər Fondunun Gənclər və İdman Nazirliyinin tabeliyindən çıxarılaraq prezidentin tabeliyinə verilməsi haqda fərman imzalayıb. Bu gün gənclər arasında yüksək nüfuza malik olan Fonda rəhbərliyi həmşəhərlimiz həyata keçirir.

Rəhman Şahhüseynli Azərbaycan Diplomatik Akademiyasında Beynəlxalq Əlaqələr Ofisinin direktorudur. 13 il ərzində Yaponiyada diasporumuza rəhbərlik etmiş R.Şahhüseynli elə bu ölkədə aldığı alimlik dərəcəsi ilə ölkəmizin ən gənc alimi kimi tarixə düşüb.

Rusiya Azərbaycanlı Gənclər Təşkilatının sədri Leyla xanım Əliyevanın müavini Emin Hacıyev də Sumqayıtın yetirməsidir.

Amerika Birləşmiş Ştatlarının Los-Anceles şəhərində Azərbaycan Respublikasının baş konsulu Nəsimi Ağayevin, Azərbaycan Respublikası Xarici İşlər Nazirliyinin nəzdində "ADA” Universitetinin strategiya və inkişaf üzrə prorektoru Emin Hüseynovun da adını fəxrlə çəkə bilərik.

Eyni fəxarətlə ABŞ-ın Los-Anceles şəhərində Azərbaycan Respublikasının baş konsulu Nəsimi Ağayevin, ARDNŞ-nin Belçika üzrə nümayəndə heyətinin rəhbəri Vüsal Məmmədovun, Azərbaycan Diplomatiya Akademiyasında departament rəhbəri vəzifəsində çalışan Murad İsmayılovun da isimlərini qeyd edirik.
Əmək və Əhalinin Sosial Müdafiəsi Nazirliyinin mətbuat xidmətinin sabiq rəhbəri, hazırda isə "Veysəloğlu" şirkətinin ictimaiyyətlə əlaqələr Departamentinin birinci şəxsi İlham Məmmədzadə də bu şəhərin yetirməsidir. 

Gender balansı problemini tarazlamaq üçün zərif cinsdən də bir ad qeyd edək: Gülsel Səfərova. Bundan öncə Azərbaycan Gənclərinin Avropaya İnteqrasiyası Təşkilatının (AGAT) sədri olan Gülsel Səfərovabu yaxınlarda Prezident Adminstrasiyasının ictimai-siyasi şöbəsinə məsul vəzifəyə təyin edildi.

Ramil Nemətoğlu Misirdə Azərbaycan Diasporunun rəhbəridir və o da sumqayıtlıdır.

Ziya Əliyev– 2006-2007-ci illərdə "1news.az” saytının icraçı direktoru kimi çalışan Z. Əliyev 2008-2010-cu illərdə Prezident Administrasiyasında Siyasi təhlil və informasiya təminatı şöbəsinin məsləhətçisi vəzifəsini tutub. 2010-cu ildən isə Hollandiyanın Rotterdam Universitetinin doktorantıdır.

Azərbaycan-Türkiyə İş adamları Birliyinin Layihələr və Tədqiqatlar Şöbəsinin müdiri, tanınmış iqtisadçı Kənan Aslanlı da Sumqayıt gəncidir.

Azərbaycan Respublikası Gənclər Təşkilatları Milli Şurasının sədr müavini də "Gənclər şəhəri”ni təmsil edir:Ramiz Əliyev. Uzun müddət "Sağlam düşüncə” Gənclər Təşkilatının sədri kimi çalışan R.Əliyev hazırda adıçəkilən şuranın sədr müavini kimi nəinki şəhərimizi ölkədə, eləcə də ölkəmizi bir çox xarici tədbir və layihələrdə təmsil edir.

Gömrük Hospitalın həkimi Sədi Allahverdiyev də şəhərimizdəndir. O, Rusiyada təhsil alıb, bu ölkədə eləcə də Türkiyədə çalışıb.

Bir müddət öncə Almaniyada dünyaşöhrətli Köln Ürək Mərkəzində rezident-həkim kimi fəaliyyətə başlayan Firudun Qurbanov artıq tam hüquqlu həkim status əldə edib və fəaliyyətini Avropda, ən güclü səhiyyə sisteminin mövcud olduğu Almaniyada davam etdirir. F.Qurbanov 1986-cı ildə məhz Sumqayıtda anadan olub. Qeyd edək ki, Azərbaycan Tibb Universitetinin məzunu olan Firudin Qurbanov praktikasını müxtəlif Avropa ölkələrində – Türkiyə, Avstriya və İspaniyada keçib. Firudun Qurbanovun Avropa təcrübəsi İspaniyadan başlayıb.

Nicat Xəlilov– Hazırda Avropa Parlamentində təcrübə proqramı keçir. 2008-ci ildə 680 bal toplayaraq Azerbaycan Respublikası Prezidenti yanında Dövlət İdarəcilik Akademiyasına daxil olan N.Xəlilov Almaniyanın "Schmalkalden” şəhərində magistr dərəcəsi alıb.

Ramil Süleymanov Təhsil Nazirliyi Təhsil Sistemininn İnformasiyalaşdırılması İdarəsinin Şöbə müdiridir.

Ayaz Abuşov– Demokratik Gənclər İctimai Birliyinin təsisçisi olan A.Abuşov hazırda Təhsil Nazirliyinin Təhsil Sisteminin İnformasiyalaşdırılması İdarəsində rəis müavini vəzifəsini tutur. 30-a yaxın beynəlxalq və yerli layihənin müəllifi və koordinatoru olub.

Tural Şıxıyevisə ABŞ-ın neft-qaz sənayesində xidməti işlər görən "Oceaneering İnternational" şirkətində Məzun-Mühəndis vəzifəsində işləyir.

Bank sektorunda da yüksək postlarda həmşəhərlilərimiz yetərincədir. Məsələn, Elgün Qurbanov"Bank of Baku”nun idarə heyətinin üzvüdür və sumqayıtlıdır! Rasim Begulov hazırda Beynəlxalq Bankın baş ofisində baş hüquqşünasdır.

Vüsal Eynullayev isə "Bank of Baku”nun Maliyyə Departamentinin mudiridir.

"AccessBank” QSC-nin Şəki filialının mudiri də sumqayıtlıdır –Hikmət Nəsibov.

"Turanbank" ASC-nin şöbə müdiri Arzu Qafarlı, Mərkəzi Bankın əməkdaşı Şəhriyar Əhmədov da bu şəhərdəndir.

Televiziya ekranı ilə vasitəsilə tez-tez hər birimizin evinin qonağına çevrilən bir neçə teleaparıcı da sumqayıtlıdır. Azərbaycan Televiziyasının "Xəbərlər” proqramının aparıcısı Rəşad Mehdili, "Lider” Televiziyasının aparıcıları Murad Arif, Rəhman Rəsulov sumqayıtın gənc təmsilçiləridir.

Vüsal Məmmədov
"168 saat" qəzeti