"Sumqayıt şəhər Prokurorluğuna dövlət və bələdiyyə mülkiyyətinin istifadə edilməsi zamanı korrupsiya hallarına yol verilməsi ilə bağlı müraciət daxil olub. Həmin müraciət əsasında hüquqi şəxsin yoxlanması ilə bağlı qərar qəbul edilib. İcra edilməsi üçün Maliyyə və Auditorlar Palatasına göndərilib”
Bu sözləri Sumqayıtda 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunmuş hesabat yığıncağında çıxışı zamanı Sumqayıt şəhər prokuroru Sərdar İmanov deyib. Prokuror bildirib ki, hazırda Sumqayıt şəhər Bələdiyyəsinin 2014-2015-ci illərdə olan fəaliyyəti yoxlanılır və yoxlama başa çatdıqdan sonra qərar qəbul olunacaq.
Qeyd edək ki, dekabrın 11–də bələdiyyənin növbədənkənar iclasında sədr Əbülfəz Babayevin istefa ərizəsi müzakirə edilib və səs çoxluğu ilə onun istefası qəbul edilib. Son 10 il ərzində yerli Bələdiyyə öz işini yüksək səviyyədə qura bilməyib. Məlumat hər il üçün bildirək ki, bələdiyyə büdcəsinə 2 milyon manata yaxın vəsait daxil olub, ancaq nəzərdə tutulan layihələr icra edilməyib. Son 5 ayda isə Bələdiyyənin 300 min manat borcu yaranıb.
Xeberle.com