Sumqayıtda 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunmuş hesabat yığıncağında çıxış edən Sumqayıt Dövlət Universitetinin rektoru Elxan Hüseynov yanvar ayında icra başçısının ali təhsil ocağına gəlişini xatırladıb: "Həmin görüşdə Universitetin gənc alim, müəllimlərinin evlə təmin olunması üçün şəhər icra başçısına müraciət etdik və Zakir müəllim də bu məsələnin müsbət həll olunacağını bildirdi. Bu məsələ ilə bağlı biz şəhər İcra Hakimiyyətinə yaşayış binasının tikintisi üçün yer ayrılması və sərəncam verilməsi üçün məktubla müraciət etmişik", - deyə rektor söyləyib.
Xeberle.com məlumat verir ki, universitet rektorunun çıxışına münasibət bildirən Zakir Fərəcov artıq edilən müraciətə müsbət cavab verildiyini qeyd edib: "Universitetin həyətində öz hesabınıza yaşayış binası tikə bilərsiniz. Amma bir şərtlə ki, oradakı mənzillər ehtiyacı olan müəllimlərə maya dəyərinə veriləcək. Kənar şəxslərə paylanmayacaq."
Xəbərdən istifadə edərkən istinad etmək vacibdir.
