Bildiyiniz kimi, Azərbaycan Prezidenti İlham Əliyev "Yerli icra hakimiyyətləri haqqında Əsasnamə”nin təsdiq edilməsi barədə” fərmanında dəyişiklik edilməsi haqqında fərman imzalayıb. Fərmana əsasən, "Azərbaycan Respublikası şəhər, rayon və şəhər rayonu icra hakimiyyəti başçısı aparatının, icra hakimiyyəti başçısının inzibati ərazi dairəsi üzrə və sahə inzibati ərazi dairəsi üzrə nümayəndəliklərinin nümunəvi strukturu və ştat vahidlərinin sayı”nın "Rayon icra hakimiyyəti başçısı aparatının nümunəvi strukturu və ştat vahidlərinin sayı” cədvəlinin "İctimai-siyasi və humanitar məsələlər şöbəsi” bölməsində dəyişiklik edilib. 
Dəyişikliyə əsasən icra hakimiyyətlərinin İctimai-siyasi  və humanitar məsələlər şöbəsində 5 ştat vahidi müəyyən olunub. Belə ki, şöbədə 4 baş məsləhətçi ştatı və Şöbə müdirinin müavini — dini qurumlarla işin təşkilatçısı ştatı yaradılıb.
Qeyd edək ki, Şöbə müdirinin müavini — dini qurumlarla işin təşkilatçısı ştatı icra hakimiyyətlərində yeni yaradılan strukturdur.
Görəsən Sumqayıt şəhər İcra hakimiyyətində bu vəzifə kimə həvalə edilib? İcra hakimiyyətinin sumqayit-ih.gov.az ünvanlı internet səhifəsinin Aparatın strukturu bölməsində yeni yaradılan şöbə müdirinin müavini-dini qurumlarla işin təşkilatçısı vəzifəsi uzun müddətdir  İctimai-siyasi və humanitar məsələlər şöbəsində baş məsləhətçi vəzifəsində çalışan Fərman Kazımova həvalə olunub.