Türkiyənin tanınmış aparıcısı Müge Anlı "Sevgi izi” layihəsi çərçivəsində Azərbaycanda qonaq olub. 
BiG.AZ xəbər verir ki, bu barədə M.Anlı aparıcısı olduğu "Müge Anlı ilə Tatlı sert” verilişində Bakı ilə bağlı təəssüratlarını bölüşüb:
"Çox hörmətli bacılarımız, qardaşlarımız hər kəsə Azərbaycana getməyi məsləhət görürəm. Çox kübardırlar. Çox etibarlı bir şəhərdir. Gecənin istənilən vaxtı qadın kişi fərq etməz, küçədə gəzə bilərsən. Heç kim sənə baxmır: "bu nə geyimdir, dar şalvar nədir?” deyən də yoxdur . Təmiz bir şəhərdir üstəlik. Küçəyə zibil atmırlar. Küçədə uşaqlar itlə, pişiklə gəzmirlər. Gözəl sahillər, parklar var. Heyran qaldım. Çox gözəl qarşılandıq, yola salındıq. Dilimiz də eynidir, heç özümüzü yad bir yerdə hiss etmədik".
Türkiyəli aparıcı M.Anlı Abşeron rayonu İcra Hakimiyyətinin başçısı İradə Gülməmmədova ilə də görüşüb. Təqdimat mərasimində Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova, millət vəkili Qənirə Paşayeva, modelyer Fəxriyyə Xələfova da iştirak edib.